Utha Nahi Jaata Amma Lyrics - Syed Raza Abbas Zaidi Noha 2023 / 1445

 

 

 

جسدم  حسینؑ   زین   سے   آئے    زمین  پر
آنکھوں  میں  خاک اور  بدن تھا لہو میں تر
جب سر  اُٹھاکے دیکھا  تو  دھندلا گئی نظر
دیکھا  کوئی   ضعیفہ  چلی  آتی   ہے  اِدھر
اماں کی خوشبو  آئی تو  اُٹھنے  لگے حسینؑ
تعظیم  جب   نہ  ہوسکی  کہنے  لگے حسینؑ

زخم   اتنے   ہیں   کہ  اُٹھا   نہیں  جاتا  اماں
ملکے  نو  لاکھ  نے  اتنا   مجھے    مارا  اماں

اِس سے پہلے کہ میری بیٹی  یہ  دیکھے  آکر
شمر سے کہدو  اُتر  جائے  میرے   سینے  سے
دیکھو  سوتی  ہے  یہاں میری  سکینہؑ   اماں

ہائے  پردیس  میں  یہ  وقت  ہے  کیسا ہم پر
دیکھو تم پانی پلاتی تھی جسے  اُٹھ اُٹھ کر
آج   آغوش    میں    مرجائیگا   پیاسہ  اماں

میں نےدیکھا ہے اُسےچہرے کہ بل گرتے ہوئے
کٹ  چکے   ہاتھ  مرا  بھائی  اُٹھے  گا  کیسے
دے   کے   آواز   اُسے    تم    نہ    بلانا   اماں

گُرز   تلوار    و    تبر     نیزہ   و   بھالا   مارا
جسکو کچھ بھی نہ ملا اُس نے طمانچہ مارا
مجھ  پہ  برسادیا  جو   ہاتھ  میں  آیا  اماں

اُسنے  دیکھا  ہے ابھی  صرف مرا زخمی بدن
لڑکھڑاتے  ہوئے  گرتی  ہے  سمبھلتی  ہے  بہن
کیسے  دیکھے  گی  بہن  بھائی  کا مرنا اماں

ہائے   شبیرؑ  نے   یہ  ماں  سے  کہا   رو  روکر
چلنے  والا  ہے  میری سوکھی رگوں پر خنجر
میری  گردن  پہ  ابھی   ہاتھ  نہ  رکھنا  اماں

کتنے  ارمان  مرے  دل  میں   ہی  دم  توڑگئے
دیکھو  تنہا   علی اکبرؑ  بھی  ہمیں  چھوڑگئے
چھد  گیا  برچھی  سے  اکبرؑ  کا  کلیجہ  اماں

آخری   وار    ہوا    کٹ    گیا   شبیرؑ   کا   سر
ماں  تڑپتی   رہی   ذیشان   و  رضا  رو  روکر
گونجتا   رہ   گیا   مقتل  میں  یہ  نوحہ اماں 

#syedrazaabbaszaidi #uthanahijaataamma 

#nohay2023 #muharram2023