Shaheed E Karbala Hussain Lyrics Hashim Sisters New Nohay 2022

Mola Humaara

Sab ka sahara 

Zahra ka pyaara 

Haq ka nazaara 

Dil ki sada hai Ya Hussain 

Khoon mein basa hai Ya Hussain 

Tum bhi kaho Ya Hussain

Hum bhi kahein Ya Hussain 

Sab milkay kaho Ya Hussain 

Hussain Jaan Fida

Hussain Marhaba

 

Tiskeen e qalbe Fatima

Ey jaanasheen e mustafa

Hussain Jaan Fida

Hussain Marhaba

 

Jab tak hai baaqi dam me dam

Wada hai ya shaahe umam

Ghar me bichhakar farsh e gham

Pursa, sada denge baham

Matam karenge aap ka

Shah e Shaheed e Karbala

Jis khak me Abbas ka

Khoon e wafa shamil hua

Us khak se kaise bhala

Ghafil, rahen ahle aza

Wo khak hai khak e Shifa

Shah e Shaheed e Karbala

Kuchh is tarha wada wafa

Khanjar tale tum ne kiya

Shaahe Shaheed e Karbala

Hona, kahaa'n aasaan tha

Bankar magar dikhla diya

Shah e Shaheed e Karbala

Bete bhatije bhaanje

Qurbaan dee'n par kar diye

Kitne hi ranjo gham sahe

Lekin, nahi peechhe hatay

Karte rahe shukr e khuda

Shah e Shaheed e Karbala

Wo waqt bhi aaya ke jab

Maare gaye ansaar sab

Haste the ran me be adab

Phir bhi, Shahe aali nasab

Ummat ko dete thay dua

Shah e Shaheed e Karbala

Ghar lut gaya sar kat gaya

Tar khoon se thi Karbala

Wada har eik poora hua

Goonji fizao'on me sadaaaa

Hussain Marhaba, Marhaba Ya Hussain 

Shaheed e Karbala Hussain

Hussain Hussain Imam Hussain x2

Waqar e Nainawa Hussain

Hussain Hussain Imam Hussain x2

Bahan ne, qatl gaah ki

Taraf junnnhi nigah ki

Hisaaaar mein sipah ki

Hussain they, tou aah ki

Hai bay khata mera Hussain

Hussain Hussain Imam Hussain x2

Chhuri gale pay chal gaei

Badan’n se jaa'n nikal gaei

Faraat e gham machal gaei

Jo kefiyat badal gaei

Be Gor o Bekafan Hussain

Hussain Hussain Imam Hussain x2

Siyaah aandhiyaa'n chalee'n

Falak hila hili zamee'n

Kahee'n pay khush they ahle kee'n

Qayamat aa gaei kahee'n

Tadap tadap ke sayyeda

Ye kahti thee'n ey Karbala

Tha mera laal be khata

To kyun hui hai ye jafa

Aey mera laadla Hussain

Hussain Hussain Imam Hussain x2

“Asif” wo Zahra ka pisar

Tadpa jo khak e garm par

Haste the ran me ahle shar

Kaise, likhoon Al mukhtasar

HASHIM ye noha rah gaya

Shah e Shaheed e Karbala

 

Hussain Jaan Fida

Hussain Marhaba

 

Tiskeen e qalbe Fatima

Ey jaanasheen e mustafa

Hussain Jaan Fida

Hussain Marhaba