WAQT E AKHIR HUR KE BETE NE DI SADA
DAUDE HUSSAIN HUR SE BHI PEHLE BASAR BUKA
JIS DAM JAWAN LASHA UTHANE KO HUR BADHA
KANDHE PE RAKH KE HATH YEH SHABBIR NE KAHA
AYE HUR HATHO JAWAN KA LASHA NA UTAHAO
HAM LEKE LAASH AATE HAIN TUM QAIME ME JAO
ANDHER YEH KYA DASHT ME TUM KARTE HO BHAI
KAB,KISNE, JAWA'N BETE KI MAYYAT HAI UTHAYI
BAS PYAAR KARO BETE KO SEENE SE LAGAO
AB QAIME ME JAO
DAM TODGAYA SAAMNE NAZRON KE JAWA'N LAL
TERE DIL MALOOL KA HUM KO PATA HAI HAAL
MUH SE NA KAHO DARD E JIGAR LAAKH CHUPAO
HOTA HAI JAWA'N LAL ZAIFI KA SAHARA
IS LAAL KE MAR JANE SE HAM SAB KO HAI MAARA
PURSE KE LIYE AATE HAIN HAM FARSH BICHAO
MAI KHOOB JAANTA HOO JIGAR CHAAK CHAAK HAI
AB TERI ZINDAGANI E DUNIYA PE KHAAK HAI
MAT BAIN KARO LAASHE PE MAT KHAAK UDHAO
APNA SHAREEKE GHAM MUJHE SAMJHO AYE PUR MALAL
NUSRAT KE LIYE AAYA HAI YEH FATIMA KA LAAL
PHIR KYA MAJAAL BETE KI TUM LAASH UTHAO
LASHA JAWAN BETE KA KAISE UTHAOGE
MUJHKO KHABAR HAI DER TALAK JEE NA PAOGE
MAQTAL ME KHADE HOKE NA YUN ASHK BAHAO
MAQTAL KA KUCH HI DER ME MANZAR BADALGAYA
EK BAAP PHIR JAWAN KE LASHE PE HAI KHADA
AUR BEBASI YEH KEHTI RAHI ASHK BAHAO
HUR KE JAWAN BETE KO SHEH NE UTHAYA THA
AKBAR KI LASH KAUN UTHAYEGA AYE KHUDA
AYE SHAHE NAJAF SHEH KI MADAD KARNE KO AAO
AINEE KALEJA DEKHNE WALON KA PHATGAYA
AAMIR ZAEEF BAAP NE LAASHA UTHALIYA
KEHTA RAHA JO HUR SE KE NA LAASH UTHAO
0 Comments:
Please do not enter any spam link in the comment box.