Alaikunna Minni Assalam Lyrics Shahid Ali Shahid New Nohay 2022

علیکن منی السلام 

کہتے تھے یہ شاہ انام

تم سب کی خاطر غم کی خبر ہے

مقتل کی جانب میرا سفر ہے 

دیں کی بقا پر میری نظر ہے

جب تک یہ باقی خون جگر ہے

جاری رہے میرا قیام 

میں کربلا جس دم آکے پہنچا 

کس کی زمیں ہے یہ پہلے پوچھا

پھر اسکو فورا میں نے خریدا

اور اس عمل سے تمکو سکھایا

کیا ہے حلال کیا ہےحرام

اے میرے شیعوں یہ کربلا ہے

عباس کی جو طرز وفا ہے 

اکبر کے لاشے سے جو ملا ہے 

جو خون اصغر سے رس رہا ہے

تم یاد رکھنا وہ پیام

تسکین کوئی پل بھر نہ ہوگی

سیراب میری دختر نہ ہوگی

بہنوں کے سر پر چادر نہ ہوگی

پھر بھی ہراساں خواہر نہ ہوگی

جب کربلا سے پہنچے شام

شہ وقت رخصت بیٹی سے بولے

میری سکینہ لگ جا گلے سے

ماریں گے تجھکو ظالم طمانچے

بوسے  بھی لوں رخساروں کے تیرے

جو ہونگے ہئے نیلے تمام 

عامر سے کہتے ہیں شاہ صفدر

کرب و بلا کا دیکھو یہ منظر

ہے میرے زانو پہ جون کا سر

یعنی جہاں میں سب ہوں برابر 

قائم کرو ایسا نظام 

علیکن منی السلام 

کہتے تھے یہ شاہ انام