BEHEN KE DIL KI KARE KHAIR AB KHUDA GHAZI Lyrics - Ahmed Raza Nasiri Nohay 2021

 

 

Behan key dil ki karey khair ab khuda Ghazi
Zameen pey dekho hai girta alam tera Ghazi

Dar e khayam pey tehri woh baarha aakey
Sawaal karti hai Zainab, Hussain Mola se
Palat key aayega khaimo mey kab mera Ghazi

Koi bataye yeh Ummul Baneen ko ja kar
Bureeda haath wo chun le zameen se aa kar
Parey hai bazun kahi’n par, kahi’n gira Ghazi

Lahoo mey doobta chehra laga key aankhon sey
Pukara bhai ko aaghosh mey liye sheh ney
Hussain aaye hai lene ko sar utha Ghazi

Yazeedi fouj ne elaan kar dia run mey
Akelay ghairr key maaro Hussain ko ban mey
Khayam loot lo Zainab ka mar gaya Ghazi

Tumhari ankh mey paiwast teer tha jis dam
Dabay danto’n mey mashkeeza hath mai parcham
Tha baar baar Sakina ko sochta Ghazi

Shikasta pehlu jo Zehra ka gar nahi hota
Bina saharey kay ghorey sey tu nahi girta
Bureeda shano’n ko maa deti aasra Ghazi

Qabeela e bani hashim key shahsawaar tujhey
Khuda sey manga musally pey ro kar Zehra ney
Ali key waqt e tahajjud ki tu dua Ghazi

Paraaye log hain be dard ye zamana hai
Abhi thou kufey sey Zainab ko shaam jaana hai
Uthi nahi hai sina par abhi rida Ghazi

Terey baghair hamara muhaal hai jeena
Chacha sey kehdo key pani humey nahi peena
Sakina roti hai khaimo mey laut a Ghazi

Sina sey kaash na behno ko berida dekhey
Sakina khaye tamachey na bawafa dekhey
Na dekhey bheer mey Abid ka sar jhuka Ghazi