Noha tha aik maa ka Asghar tere baghair
Mushkil hai mera jeena Asghar tere baghair
Yasrab mein ghar hamara aabaad tha tujhi se
Tum hee batao mujh ko aey mere shahzade
Kaise chaloon Madina Asghar tere baghair
Wada hai mera tujh se pani nahi piyoongi
Saye mein jaoongi na main jub talak jiyoongi
Jeena hai yoon gawara Asghar tere baghair
Milta tha chain mujh ko har waqt tujh ko tak ke
Ab aey mere dulare batlao mujh ko kaise
Behlaye dil ye dukhiya Asghar tere baghair
Ehsas hai ye kaisa kya isko koi janay
Bhai ke baad jeena bus ye behen hee janay
Mar jaegi Sakina Asghar tere baghair
Is maa ki maamta par manzar bada katthin tha
Zalim ne jub utthaya neze pe tera lasha
Yaad ata hai wo lamha Asghar tere baghair
Bete ka farz hai ke maa ki karay hifazat
Ajaao laal mere aayi hai sham-e-ghurbat
Lut-ta hai mera parda Asghar tere baghair
Besheer ki lahad se Meesam sada ye aayi
Amma mila hai mujh ko baba ka seena phir bhi
Kaise sukoon pata Asghar tere baghair
0 Comments:
Please do not enter any spam link in the comment box.