Meray raaj dulharay
Meri Ankhon kay taaron
Maadar nay ye rou rou kay pukara Ali asghar as
Thaa mujh ko meri jaan say pyara Ali Asghar as
Rukhsat kay mei manzar ko bhula paongi kese
Deti hun mei Alooda e khoon kurtay ko bosay
Yaad ata hai jab chehra tumhara Ali Asghar as
Aagosh mei leti thee kabhi jhoola jhulaati
Ab kya karay roti hai tarapti hai bulati
Tha meri sakina sa ka sahara Ali Asghar as
Seenay say lagaongi bohat pyar karungi
Mei loriyan khud Naad e Ali as ki tumhay dungi
Aagosh mei ajao dubara Ali Asghar as
Tha kitna haseen phool kay jesa tera chehra
Na janay tujhay kiski nazar lag gayi beta
Sadqaa tou kayi baar utara Ali asghar as
Chaon mei na saye mei na bethungi kabhi bhi
Wadaa raha thanda kabhi pani na piyungi
Jeenay ka nahi koi bhi chara Ali Asghar as
Mazloom nay gardan sy teri khainch liya teer
Hathon mei uthaye tujhay le aye thy shabeer as
Mehshar ka nazar aya nazara Ali asghar as
Shish maahe ka bhi haye gala kata gaya hai
Tapti hui raiti pay tera lasha para hai
Maa kesay karay ghum ye gawara Ali Asghar as
Wou aj Naqi rotay hain bas Ahle Aza hi
Kiya karbobala hai ye haqeeqat jou khulegi
Royega jahan tujh ko ye sara Ali Asghar as
0 Comments:
Please do not enter any spam link in the comment box.