Aye Rozadaron Khaki Urao Lyrics Mesum Abbas PAKNOHAY

اے روزہ داروں خاک اُڑاو

 تابوُت اُٹھ رہا ہے جنابِ امیر کا

اس دن کوبھی عاشوُر بناو 

تابوت اُٹھ رہا ہے جنابِ امیر کا

حسنین سے کرتی تھیں بُکا زینبِ کُبریٰ

تازہ ہے ابھی مادرِ دلگیر کا صدمہ

اب داغ یتیمی کا اُٹھاو 

تابوت اُٹھ رہا ہے جنابِ امیر کا

اک سمت سے تابوت اُٹھائینگے فرشتے

اور محوِ بُکا دوسری جانب سے ہیں بیٹے

سلمان و ابوزر کو بُلاو 

تابوت اُٹھ رہا ہے جنابِ امیر کا

اب کون بھلا سایۂ دیواربنے گا

بیواوں یتیموں کا مددگار بنے گا

کُوفے کے غریبوں کو بتاو

تابوت اُٹھ رہا ہے جنابِ امیر کا

یہ غم بنِ مُلجم نے دیا آلِ نبی کو

سجدے ميں کیا قتل میرے بابا علی کو

اے لوگو میرا درد بٹاو 

تابوت اُٹھ رہا ہے جنابِ امیر کا

بابا نے دمِ رُخصت ِ آخر یہ کہا تھا

عبّاس ہے ضامن میری زینب کی ردا کا

غازی کو یہ احساس دلاو 

تابوت اُٹھ رہا ہے جنابِ امیر کا

تابوت میرا ناقے پہ کردینا رونہ

رُک جائے جہاں ناقہ وہیں قبر بنانا

ہے وقت وصیّت کو نبھاو 

تابوت اُٹھ رہا ہے جنابِ امیر کا

اکیسویں رمضان قیامت کا تھا منظر

تھی زینبِ مُضطر کی صدا میثم و مظہر

اب کیسے جیوں کوئی بتا و 

تابوت اُٹھ رہا ہے جنابِ امیر کا