14 Sharaab khano ki yakja mila ke laa
Aye umr e jaodaan mera saagar utha ke laa
Jam e wila mai zehr e adadat na ghool dein
Is maye ko dushmano ki nazar se bacha ke laa
Peena hai maye ghadeer ki kaabe mai beth ker
Jo hajiyon mai rind hain inko bula ke la
Le chal najaf ko raksh e muqadar kisi tarah
Ik martaba mujhe meri jannat dikha ke laa
Hai Jo Ali Ali ke tarane pe mahtaraz
Unko Dil e rasool ki dharkan suna ke laa
Gar ho Ali ki nend ki meraj dekhna
Hijrat ki shab ki ankh se kajal chura ke laa
Ae jibrail aye hain balein pe bu turab
Jaa jald jake arsh se kursi utha ke laa
Wais ko jam e midhat e haider pila saroosh
Le jaa is admi ko bhi insan bana ke laa
Sharab e Ishq e Ali Lyrics - Mir Hasan Mir Manqabat 2021 - 15 Shaban Manqabat 2021
Published on: March 30, 2021
0 Comments:
Please do not enter any spam link in the comment box.