Ya Murtaza Ali Mujhy Duniya Ka Gham Na Ho
Lakin Gham e Hussain Meray Dil Se Kum Na Ho
Khushiyoun Se Dor Hoker Jeeta Rahon Ga Moula
Is Gham Se Dor Hoker Jeena Sakon Ga Moula
Koi Khushi Naseeb Main Chahay Raqam Na Ho
Lakin Gham e Hussain Meray Dil Se Kum Na Ho
Wo Din Bhe Jald Aaye Aye Do Jahan Kay Sahib
Rota Howa Najaf Say Karb o Bala Ki Janib
Itna Chalo Kay Bs Mere Sanson Main Dum Na Ho
Lakin Gham e Hussain Meray Dil Se Kum Na Ho
Mushkil Kusha Tmhe Ko Main Manta Hoon Moula
Sb Pr Karam Keya Hai Yay Janta Hoon Moula
Beshak Mere Hayat Main Koi Karam Na Ho
Lakin Gham e Hussain Meray Dil Se Kum Na Ho
Shabeer Kay He Gham Say Milti Hai Dil Ko Rahat
Kab Mangta Hoon Moula Duniya Ki Badshahat
Beshak Meray Naseeb Main Jahohasham Na Ho
Lakin Gham e Hussain Meray Dil Se Kum Na Ho
Rotay Howay Sakina Kehnay Lagi Phuppi Say
Ro'on To Shimr Aker Maray Mujhy Tamachy
Kejay Dua Kay Ab Mere Yay Ankh Num Na Ho
Lakin Gham e Hussain Meray Dil Se Kum Na Ho
Chahay Jawan Lasha Baity Ka Main Uthao
Yaad e Hussain Lekar Mayyat Pe Uski Jao'n
Chalnay Ki Tab Khatam Ho Uthta Qadam Na Ho
Lakin Gham e Hussain Meray Dil Se Kum Na Ho
Shabeer Kay Leyay He Manga Hai Main Nay Ghazi
Ummul Banee Kay Lab Per Bs Ake Yay Dua The
Jab Tak Giyoun Mujhy Meray Ghazi Ka Ghum Na Ho
Lakin Gham e Hussain Meray Dil Se Kum Na Ho
Rehan Azmi Yay Kehnay Lagy Raza Say
Ro Ro Kay Aje Main Ny Manga Hai Murtaza Say
Duniya Main Meray Naam Ka Chahay Bharam Na Ho
Lakin Gham e Hussain Meray Dil Se Kum Na Ho
0 Comments:
Please do not enter any spam link in the comment box.