Lasha e Muslim Pay Haye Ro Ke Zahra Nay Kaha
Ya Ali Mara Gaya Hai Maira Beta BeKhata
Zalimo'n Nay Ghair Kay Mara Hai Is Ko Is Tarah
Chand Mairay Ghar Ka Haye Badliyo Main Ghir Gaya
Shehar e Kufa Syeda Ko Raas Na Aya Kabhi
Aj Phir Rone Ki Khatir Hai Yahan Ana Para
Haye Tanha Jaan Kay Mara Hazaron Nay Isay
Sar Ta Paa Is Ka Badan Hai Sara Zakhmo Say Bhara
Pehlay To Darul Imara Say Giraya Haye Haye
Aur Phr Pamaal Sab Nay Lasha e Muslim Kiya
Lash Par Roo'n Main Iski Ya Karun In Ko Talash
Hogaye Ghurbat Main Is Kay Dono Bachai Bhi Juda
Aey Safeer e Karbala Bas Yeh Hai Aizaz e Raza
Ap Jo Maqbool Kijye Yeh Likha Noha Mera
0 Comments:
Please do not enter any spam link in the comment box.