Rote Hue Hussain se Maine Yehi kaha
Wada Karo kay phir se Bulaoge Karbala
Jee Bhar Kar Humne Ap pe Girya Nahi kiya
Wada Karo kay phir se Bulaoge Karbala
Ye Soch Kar Chale the Kay Jee Bhar Kay Royenge
Dil Sab Kay Tumne Aate hi Qabu mein Karliye
Rona Jo Humne Chaha to Rone Nahi dia
Wada Karo kay phir se Bulaoge Karbala
Jab Se Khabar Hui Hai Kay Jana Hai Aaj Hi
Yoon Lag Raha hai Jaise Meri Saans Ruk Gai
Mujh Me Nahi Hai Laut Kay Jane ka Hosla
Wada Karo Kay Phir se Bulaoge Karbala
Ho KhemaGaah ya Wo Jawan ka Muqam Ho
Nehr e Furat ho Ya Muqam e Imam Ho
Aaye Hain Likh Kay Ashkon se ye Baat Har Jaga
Wada Karo Kay Phir se Bulaoge Karbala
Zakhmi Tha Teer Kha Kay Jahan apka wo Laal
Jhoola Jhulakay Humne Sunaya Hai Dil Ka Haal
Kehte Rahe Rubab ka De De Kay Wasta
Wada Karo Kay Phir se Bulaoge Karbala
Aise Sisak Sisak Kay Yahan Ro Rahe Hain Hum
Jaise Kay Aj Maa Se Juda Horahe Hain Hum
Zehra Ka Tumko Wasta Sunlo meri Sadaa
Wada Karo Kay Phir se Bulaoge Karbala
Har Baat Is Safar ki Dilon ko Rulaigi
Karbobala ki Hum ko Buhat Yaad Aaigi
Hai Sath ab Humare ye Yaadon ka Silsilaa
Wada Karo Kay Phir se Bulaoge Karbala
Jo Haal Qalb Ka Hai Wo Tumko Hai Sab Khabar
Karbobala se lautna Mushkil Hai Kis Qadar
Hum Ja Rahe Hain Laut Kay Per Dil Na Jaiga
Wada Karo Kay Phir se Bulaoge Karbala
Zeeshan Humne Keh to Dia Alwida Hussain
Koi Bataye kaise ab Aaiga Dil ko Chain
Ro Ro Kay Haaye Aj Bhi Kehti Hai Fatima
Wada Karo Kay Phir se Bulaoge Karbala
0 Comments:
Please do not enter any spam link in the comment box.